बारामती शहर पोलिस स्टेशन व युवकांमुळे हरवलेल्या मुकबधीर मुलाची आणि वडिलांची झाली भेट

बारामती : दिनांक 25-05-2023 रोजी देशमुख चौक बारामती येथे एक लहान मुलगा आढळून आला.त्याला त्याठिकाणी थांबलेले नागरिक प्रश्न विचारात होते.परंतु तो कोणत्याही प्रश्नाचे उत्तर देऊ शकत नव्हता.एका व्यक्तीने त्याला हातावर नाव लिहायला सांगितल्यावर त्याला लिहिता येत नव्हते.बोलत नसल्यामुळे सगळ्यांना वाटले की याला मराठी भाषा समजत नसेल बाहेर राज्यातील असेल असे उपस्थित नागरिक म्हणत होते.त्यावेळी भारतीय युवा पँथर संघटनेचे संस्थापक अध्यक्ष गौरव अहिवळे , महाराष्ट्र संपर्कप्रमुख शुभम गायकवाड, बारामती शहराध्यक्ष निखिल भाई खरात, बारामती शहर संघटक समीर खान यांनी लोकांना विचारणा केल्यावर समजले की हा मुलगा हरवलेला आहे. त्याला मदतीची गरज आहे. त्याला बोलता येतं नसल्यामुळे नाव व पत्ता सांगता येत नव्हते. त्यावेळी सदर मुलाला बारामती शहर पोलिस स्टेशनला भारतीय युवा पँथर संघटनेचे पदाधिकारी घेऊन गेले त्यानंतर बारामती शहर पोलिस स्टेशनचे पी.एस.आय. निंबाळकर व ठाणे अंमलदार शंकर काळे यांनी सहकार्य केले व मुलाच्या पालकांची माहिती मिळवण्यासाठी मदत केली.तसेच निखिल भाई खरात बारामती शहराध्यक्ष भारतीय युवा पँथर संघटना यांनी बारामती मधील मुकबधीर शाळेचे शिक्षक संतोष काळे सरांशी संपर्क केला. त्यावेळी मुकबधीर शाळेचा विद्यार्थी आहे हे समजले आणि मुलाचे नाव मयुर मोरे आहे.आणि हा बारामती तालुक्यातील उंडवडी गावातील रहिवासी आहे. हे समजले त्याच्या वडीलाचा मोबाईल नंबर घेऊन बळीराम मोरे यांना बारामती शहर पोलिस स्टेशनला बोलावून घेतले.आणि सदर मुलाला त्यांच्या ताब्यात देण्यात आले.मुलाच्या वडिलांनी सर्वाचे आभार मानले.