बारामती : शासकीय वैद्यकीय महाविद्यालय व सर्वोपचार रुग्णालय, बारामती येथे मेंदू, मणका व कर्करोगासंबंधित तक्रारी असलेल्या रुग्णांकरिता व आर्थिकदृष्ट्या दुर्बल घटकांतील रुग्णांवर विनामूल्य उपचारांसाठी १७ जून रोजी सकाळी १० ते १ दरम्यान बाह्यरुग्ण विभाग सुरू राहणार असल्याची माहिती अधिष्ठाता डॉ. चंद्रकांत म्हस्के यांनी दिली आहे.
पुणे येथील प्रसिद्ध न्युरोसर्जन डॉ. संजय व्होरा व कर्करोग तज्ञ डॉ. चकोर व्होरा प्रत्येक महिन्याच्या तिसऱ्या शनिवारी शासकीय वैद्यकीय महाविद्यालय व सर्वोपचार रुग्णालय, बारामती येथील बाह्यरुग्ण विभागात उपस्थित राहणार आहेत. त्यानुसार येत्या शनिवारी गरजू रुग्णांनी उपस्थित राहून या सेवेचा लाभ घ्यावा, असे आवाहनही करण्यात आले आहे.
शासकीय वैद्यकीय महाविद्यालयाच्या बाह्यरुग्ण विभागात १७ जून रोजी मेंदू, मणका व कर्करोग रुग्ण तपासणी व उपचार
